Responsive image

13
ديسمبر

الخميس

26º

13
ديسمبر

الخميس

 خبر عاجل
  • محكمة فدرالية أمريكية تقضي بالسجن ثلاث سنوات على مايكل كوهين المحامي السابق للرئيس الأمريكي لتغطيته على "أفعال قذرة"
     منذ 13 ساعة
  • الرئيس المقبل للعلاقات الخارجية بالنواب الأمريكي: بعد إحاطة جينا هاسبل إن ما حدث لخاشقجي مأساوي ويجب مراجعة العلاقات الأمريكية السعودية
     منذ 14 ساعة
  • إصابة 12 شخصا في تصادم أتوبيس وسيارة نقل بطريق سفاجا قنا
     منذ 14 ساعة
  • إصابتان في عملية طعن بالقدس
     منذ 14 ساعة
  • عاجل | الإنتربول: الشيخ يوسف القرضاوي لم يعد مدرجا على النشرة الحمراء للمطلوبين من تاريخ 30 نوفمبر
     منذ 20 ساعة
  • حزب تيريزا ماي يصوت على سحب الثقة منها مساء وإعلان النتيجة بأسرع ما يمكن
     منذ 23 ساعة
 مواقيت الصلاة

القاهرة

الفجر

5:08 صباحاً


الشروق

6:36 صباحاً


الظهر

11:48 صباحاً


العصر

2:37 مساءاً


المغرب

5:00 مساءاً


العشاء

6:30 مساءاً


أسعار العملات

مقابل الجنيه المصرى

دولار أمريكى

0

 تابعنا على يوتيوب
 تويتر

لماذا مؤسسات التعليم والتدريب فى مصر منهارة؟

بقلم: بقلم: د. سعيد ندا
منذ 295 يوم
عدد القراءات: 815
لماذا مؤسسات التعليم والتدريب فى مصر منهارة؟

#لماذا_مؤسسات_التعليم_والتدريب_فى_مصر_منهارة
**********************************************

#قصة_واقعية

#غن

#واقع_آليم_داخل_إحدى_المؤسسات_التعليمية

منشور / عمر افندى 
*******************************

و احنا فى تالته اعدادى و من حوالى بتاع اكتر من عشرين سنه كده ... دخل علينا الفصل مدرس اللغه العربيه ذات مره و هو هايج جدا زى التور المسعور و مع انها كانت اول حصه ليه عندنا... و بسرعه راح الباشا حط الشنطه بتاعته على الترابيزه و طلع منها جلده سوده ضخمه و راح بسرعه متوجه ناحية اول طالب فى الصف الاول و راح قاله سمّع يابنى النص اللى اخدتوه ... الواد بص كده و استغرب و فتح بقه ... و قال له اسمّع !!! اسمّع ايه !!! نص ايه ده حضرتك اول مره تدخل لنا فيها يسلم مقام حضرتك ... و لسه ماديتناش اى حاجه عشان نحفظها او نسمعها ... الاستاذ قال له طب افتح ايدك كده ... بعد جدال و شد و جذب لم يستغرق اكثر من خمس دقايق كان سامح اللى هو اول واحد فى اول صف بيفتح ايده و يضرب وسط ذهول من الفصل كله ... 
بعدها راح الاستاذ توجه للطالب اللى بعده و كان اسمه محمد عادل و راح قال له سمع انت يا بنى ... محمد عادل استغرب برضو و قال نفس الكلمتين ... ان دى اول حصه لحضرتك و انت لسه مادتناش حاجه بس المناقشه المره دى اخدت تلات دقايق بس و بعدها فتح ايده و اتضرب ... و بعدها طلع على الطالب التالت ... و ده ماقالش غير مره واحده و بعدين اتضرب من سكات ،، و من بعد الطالب التالت بقى كل طالب بيقوم يفتح ايديه و يتضرب من سكات و يقعد تانى و هكذا الفصل كله اتضرب بلا استثناء ... بما فيهم انا ... اتضربت و سكت و خلاص ... اتضربت ليه مش عارف ... بس لقيت الكل بيتضرب و من سكات كمان ... قلت فى نفسى يعنى هى جت عليك ... لما اشقى و اصيع اصحاب و زمايل اتضربوا و من سكات ومحدش فيهم فتح بقه .....
ماعدا واحد بس ....
واحد بس مارضيش يتضرب ...و أصرّ على موقفه ... 
الواحد ده ماكانش طالب شقى و لا لمض و لا صايع و لا مستبيع خالص ... بالعكس الطالب ده كان الاول على الفصل بل و المدرسه بأكملها ... كان اسمه محمد فتحى ...
محمد ده كان عامل زى ابو تريكه فى اخلاق و ضحكته و بساطته و هدوءه و ادبه دلوقت ... كان محبوب فى المدرسه كلها ... كان دايما يطلع الاول على المدرسه ... دايما مؤدب ،، دايما فى حاله ،، عينيه فى الارض و هو ماشى ،، هادى جدا ماحدش يسمع له صوت ،، متربى جدا و ابن ناس ،، عمره ما احتك او اتخانق باى طالب و المدرسه كلها بما فيهم المدرس ده كانوا عارفين محمد فتحى كويس جدا لأنه كان علامه مميزه فى المدرسه كلها ....
بصراحه احنا كلنا استغربنا جدا و مكناش نتوقع ان محمد المؤدب الهادى هو الوحيد اللى يرفض انه يتضرب و يصّر على كده ... 
الاستاذ شاف ان كرامته هاتتهزأ اكتر لو فضل يجادل قصاد محمد اكتر من كده ،،، فراح مطلع محمد بره الدرج و وقفه ورا الفصل ... و راح مكمل ضرب فى الفصل و الناس كملت تتضرب و من سكات برضو ... و للاسف و بنفس الوتيره كله بقى من سكات بيمد ايده و ياخد العصايتين و يسكت ... لحد ما خلص الفصل كله ... و رجع لمحمد استفرد بيه ... و نزل فيه ضرب بصوره كانت مستفزه جدا بس محمد برضو مرضيش يفتح ايده و اخد الضرب كله على جسمه ... و احنا كلنا واقفين و بنتفرج .. متضايقين ،، مخنوقين ،، كنا مقسومين فى الرأى مجموعات ...
ناس شايفه ان محمد محبكها زياده عن اللزوم و انه مفهاش حاجه لما ياخد له عصايتين تلاته و يسكت ... ناس تانيه صعبان عليها محمد و نفسها يرحم نفسه و ياخد العصايتين دول ،، و ناس اخيره كان نفسها تعمل زى اللى عمله محمد بس للاسف معندهاش لا القدره و لا الشجاعه انها تعمل زييه ...
محمد و اللى زييه كان عنده مبدأ ... و المبدأ ده نتيجة حاجه اهله زرعوها فيه من صغره ... انه يكون عنده كرامه و انه يقاتل من اجل كرامته لاخر نفس ... و انه حتى لو مات او اتبهدل فى سبيل كرامته معندوش مانع ... بس المهم انه مايتضربش ظلم و ان حقه مايتهضمش ...
الاغرب و الادهى من كده ... ان اكتشفنا بعد كده ان الاستاذ ده كان عارف و متأكد ان دى اول حصه ليه و انه فعلا ماخدناش اى حاجه منه قبل كده عشان نسمّعها ... و انه كان بيعمل فينا كده بس عشان خاطر نخاف منه و نعمل له حساب فى الايام الجايه و فى الحصص اللى بعد كده و انه اول ما يدخل الفصل ... الناس كلها تسكت و تحترمه بمبدأ يدبح لنا القطه ف. اول حصه ... طبعا مفهوم قاصر و خاطىء و متنيل بستين نيله .... عليه و على اللى خلوه مدرس اصلا
السنه خلصت و محمد طلع الاول على المدرسه و كمل بأدبه و نجاحه و تفوقه و دخل كلية الهندسه و اصبح مهندس ناجح ... 
أهو مصر بلدنا دى عامله زى الفصل بتاعنا بالظبط ... انضف ناس فيها و اللى عندهم كرامه و اللى رفضوا الذل و الظلم هم اللى متبهدلين دلوقت و بيتضربوا و بيعتقلوا و بيسافروا و بيهاجروا .... فى الوقت اللى الشعب منقسم ما بين ناس متعاطفه مع الناس دى بس مش قادره تعمل حاجه و ما بين ناس تانى شايفه ان الشباب اللى بيطالبوا بحقهم مكبرين الموضوع بزياده و مفهاش حاجه لما يعيشوا زييهم زى بقية الناس تحت البياده عادى ....
محمد كان دايما يقولى ... انت عارف انا قعدت طول الحصه اتضرب على جسمى و مارضيتش افتح ايدى و كنت مستنى واحد او اتنين تانى بس يقفوا معايا و يرفضوا الظلم و يقولوا لأ ... واحد تانى معايا كان هايقلب الفصل كله عليه بعد كده .. لكن للاسف محدش فيكم فتح بقه ....
فعلا للاسف يا محمد كنت انضف واحد فينا ... و للاسف كلنا كنا جبنا و كلنا بعناك و سبناك تضرب وحدك
احنا اسفين يا محمد ... كنت عاوز تزرع فينا الكرامه فى مدارس حكوميه عامله زى الدوله اللى احنا عايشين فيها .. اتربينا فيها على ان احنا نتضرب و نسكت .. نتضرب من غير حتى مانعرف بنتضرب ليه ....
انت كنت الرجل الصح فى الفصل الغلط يا محمد

التعليق على المنشور 
********************

من المؤكد أن

هذا الشخص المريض نفسيا

" المدرس المعتوه "

وضع عقده فى كثير من التلاميذ

ومن الطبيعى جدا أن نجد

من بين هؤلاء

صورة مكررة لهذا المعتوه

لتستمر منظومة التخلف والقهر

ملحوظة :_

اللكليات العسكرية

وكذلك الخاصة بضباط الشرطة

وكذلك الأمناء ومندوبى الشرطة

تتبع نفس هذا المنهج المريض

لنجد أناس تحوطهم

العقد والنقص من كل جانب

وقد شكى لى بعضهم

فى أحاديث ما يعانون

ممن يتولى أمر تدريبهم

من قسوة وسلاطة لسان

ووقاحة وقهر

وتجبر وتكبر

وتسلط

الخلاصة

*************

المنظومة التعليمية فى مصر

منظومة فاشلة ومتخلفة لأبعد مدى

ومن الطبيعى جدا

أن تخرج العديد من

العاهات والكوارث البشرية

للمجتمع المصرى

ونأمل أن يأتى يوما

لنرى فيه إصلاح جذرى

فى جميع المؤسسات التعليمية

بمصرنا المختطف المفهور

وحسبنا الله ونعم الوكيل

 

البحث

تواصل معنا

يمكنكم إرسال مقترحاتكم وآرائكم بالضغط على الرابط التالى
Responsive image

جميع الحقوق محفوظة 2018

تم تطوير الموقع بواسطة
The Seven Layers