عبر مدونة "قلب ميت" ، يقدم المدون سيف الدين كاسترو أنواع الجنود في الجيش المصري، فتحت عنوان "ليه جيشنا كده... توضيح للحالة النفسية للجنود"، كتب يقول: "أولا ... جندي مؤيد تماما لطنطاوي ويريد أن يقضي على الثورة وحزين على مبارك بشدة !! ودول نوع خطير جدا على ثورتنا.. دول يقاتلون بشراسة ضدنا ويريدون القضاء علينا في أي وقت ويرى أن التحرير ده أسوأ شيء في العالم يجب القضاء عليه والانتقام مننا لما حدث لقائدهم مبــارك."
وتابع كاسترو بالقول: "ثانيا.. جندي مؤيد للثورة تماما ومؤيد للمطالب بتاعتنا !! ودول اكتر ناس لازم نهتم بيهم لان دول شريحة بسيطة !! ودول اكتر ناس حاسة بالفساد داخل المؤسسة وتريد التطهير لها... ودول اكتر فصيل خايف منهم المجلس طبعا ودة كان واضح لما اقتحمو الميدان يوم 8 ابريل بقوات خاصة !! وعدد كبير من قوات الصاعقة والمدرعات."
والنوع الثالث من الجنود كما يصفه كاسترو هو: "جندي ميهموش لا ثورة ولا مجلس ولا بتننجان... المهم عندو البدلة العسكرية ميفرطش فيها غير انو لابس البلدلة وناس تحترمو والراتب يزيد واجازات كتير .."
ويختتم كاسترو تدوينته بالقول: "انا ضد اي انقسامات ف الجيش لان الانقسام ف الجيش يهدد ثورتي وبلدي !! اما بخصوص الانقلابات.. الانقلاب ليس حلا لان ده هيرجعنا لايام العسكر تاني ولن يكون حلا مطلقا... الحل ف وجهة نظري الشخصية ان كل شخص يوعي الناس ف الجيش احنا مين والثورة دي ليه ومش عاوزين منو اي حاجة غير انو يفهم فقط!!"
