Responsive image

12º

17
أكتوبر

الخميس

26º

17
أكتوبر

الخميس

 خبر عاجل
  • اندلاع حريق هائل بسفينة نقل فوسفات راسية علي احد الارصفة بميناء دمياط وقوات الحماية المدنية بالميناء تحاول السيطرة علي الحريق
     منذ 2 ساعة
  • ظهور المحامى بالشبكه العربيه لمعلومات حقوق الإنسان عمرو امام الذى اختطف فجر الأربعاء منذ قليل بنيابة امن الدوله
     منذ 3 ساعة
  • وفاة والد المحامى الحقوقى المعتقل محمد الباقر ونشطاء وحقوقيون يطالبون بالسماح له بحضور جنازة والده
     منذ 3 ساعة
  • الهيئة العليا للانتخابات تعلن فوز قيس سعيد بالانتخابات الرئاسية بحصوله على 72،71% من الأصوات
     منذ 5 ساعة
  • توقف الخط الأول لمترو الأنفاق باتجاه حلوان بعد. سقوط و نش بمحطة الدمرداش أثناء إزالة لوحة إعلانات
     منذ 7 ساعة
  • ضحايا حادث التصادم من جنسيات آسيوية وعربية.
     منذ 18 ساعة
 مواقيت الصلاة

القاهرة

الفجر

4:30 صباحاً


الشروق

5:53 صباحاً


الظهر

11:40 صباحاً


العصر

2:56 مساءاً


المغرب

5:27 مساءاً


العشاء

6:57 مساءاً


أسعار العملات

مقابل الجنيه المصرى

دولار أمريكى

0

 تابعنا على يوتيوب
 تويتر

انا أستاذ جامعة

بقلم: أ.د محمد حسان

منذ 448 يوم
عدد القراءات: 2332
انا أستاذ جامعة

انا اللي بسافر علي حسابي بالساعات واتنقل بين المحافظات عشان أقوم بشغلي وغيري بيسافر ببلاش
انا اللي براقب علي الامتحانات وبيبقي مصير آلاف الطلاب في يدي نصهم عايز يغش لازم امنعه ونصهم عايز يحل لازم أوفر له الجو الهادي وبعد شهر امتحانات يقبضوني مكافأة امتحانات 23 جنيه بتاخد أضعافهم الدادة عشان مشروبات اليوم..
وآخد انا الظرف فاضي ولو غبت لأى سبب يتخصم لي نص مرتبي
انا اللي بخاطر واخد ورق مئات الطلاب لبيتي واقفل مكتبي عليا واعمله ثكنة عسكرية ويبقي في ايدي مصير مئات الأسر وليس الطلاب وأراعي ربنا في شغلي وأصحح أسابيع وفي الاخر اقبض 400 جنيه مكافإة التصحيح حد أقصي ولو ورقة ضاعت ممكن اتفصل فيها
أنا اللي بشرف علي رسالة ماجستير 4 او 5 سنين ولو معايا زميل او اتنين ممكن اقبض في النهاية مقابل الاشراف بداية من اقتراح الموضوع مع الباحث حتي كتابة الخطة ثم الارشاد طيلة هذه السنوات وقراءة ما كتبه وتصحيحه ثم المناقشة وفي الاخر آخد 120 جنيه عن كل الشغل ده لا يساوي ربع تمن القهوة اللي شربتها وانا شغال فيها
انا الدكتور اللي ممكن أسافر واتكلف 300 ولا 400 جنيه وأسهر شهر قبلها اقرأ رسالة عشان اروح أحكمها وفي الآخر آخد 79 جنيه
انا اللى بصرف على أبحاث ترقيتي من مدرس لأستاذ مساعد آلاف الجنيهات وفي النهاية تزيد مكافأة الدرجة من 5 جنيه ل 6 جنيه ولو اتشطرت واخدت الاستاذية مكافأة الاستاذية ربع جنيه ...آه والله ربع جنيه
انا الدكتور اللي لو أصبحت أستاذ وفي لجنة الترقيات وحكمت 5 ابحاث فيهم ترقية زميل هآخد 100 جنيه
انا الدكتور اللي لو تم انتدابي لجامعة تانية بآخد 40 ولا 60 جنيه مقابل التدريس طول الترم
انا الدكتور اللي بعد خدمة الجامعة عشرين سنة ودرجة أستاذية لو عشت مرتبي هيبقي أقل من سواق مترو مش هقول قاضي ولا ظابط ولا موظف في بنك ولا بترول ولا ولا ولا ولا ولا ولا
انا الدكتور اللي لو مت اللحظة دي معاشي لن يصل 600 جنيه والاسم بناتي هيبقوا بنات دكتور الجامعة الله يرحمه او لا يرحمه بسبب ما تسبب فيه لهم.
انا الدكتور اللي كل ما يخصني مالياً من سنة 72 لما كان كيلو اللحمة ب 68 قرش وجرام الدهب بجنيه وربع ولم يتغير حتي اليوم

انا الدكتور اللي مفيش وزير مسك وزارتي الا واتكلم آلاف المرات في الصحف والتليفزيون عن زيادة مرتبي لدرجة أن الناس كلها افتكرت مرتبي بيتضاعف كل يومين وفي الحقيقة مرتبي بيتخصم منه وأطالب بتسجيلنا في موسوعة جينز ريكورد باعتبارنا الموظفين الوحيدين علي مستوي العالم اللي مرتباتهم بتقل كل سنة بدل ما تزيد
انا الدكتور صاحب العلم اللى تعمد الجهلة التضييق عليه ماليا وتاجر به المسئولين عنه اعلاميا ...
انا الدكتور اللي بعلم كل المهن وبيتخرجوا من تحت ايدي يكسبوا اضعاف اضعاف اضعاف مرتبي...
وبرغم كل ده انا الاستاذ صاحب العلم وارث الانبياء
انا الدكتور اللي صحتي واعصابي اتحرقت وراحت في خدمة العلم ومعنديش وقت لبيتي واسرتي ..
انا الدكتور اللي معنديش تأمين صحي
انا الدكتور اللي ميقدرش يعيش حياته بتفاهة وحرية عشان برستيچه ميسمحش..
انا الدكتور اللي الناس مفكرة انه من الاثرياء وعلية القوم وهو عايش مستور بالكاد ومرتبه مبيقعدش يومين ومش بيبقي عارف يستلف من مين عشان عيب يستلف وهو استاذ جامعة
#ارحموناااا_ارحموااا_استاذ_الجامعة

البحث

تواصل معنا

يمكنكم إرسال مقترحاتكم وآرائكم بالضغط على الرابط التالى
Responsive image

جميع الحقوق محفوظة 2019

تم تطوير الموقع بواسطة
The Seven Layers