Responsive image

26º

23
يوليو

الثلاثاء

26º

23
يوليو

الثلاثاء

 خبر عاجل
  • خامنئي: ما قاله السيد حسن نصر الله انه سيصلي في المسجد الأقصى ان شاء الله فاننا نعتبره املا عمليا يمكن تحقيقه
     منذ 13 ساعة
  • خامنئي: من مستلزمات تحقق امل الصلاة في الاقصى المواقف الراسخة والصمود اللذين أشار اليهما السيد هنية في رسالته
     منذ 13 ساعة
  • خامنئي: من مستلزمات تحقق امل الصلاة في الاقصى المواقف الراسخة والصمود اللذين أشار اليهما السيد هنية في رسالته
     منذ 13 ساعة
  • خامنئي يعتبر هدف "صفقة ترامب" هو القضاء على الهوية الفلسطينية في اوساط الفلسطينيين مشددا على التصدي لها
     منذ 13 ساعة
  • خامنئي يشيد بالتطور الذي حققه الفلسطينيون بحيازة الصواريخ الدقيقة بعدما كانوا يقاتلون بالحجارة في السنين المنصرمة
     منذ 13 ساعة
  • خامنئي: نعلن دائما بشفافية عن وجهة نظرنا بشأن القضية الفلسطينية والدول الصديقة تعلم ان ايران جادة تماما فيها
     منذ 13 ساعة
 مواقيت الصلاة

القاهرة

الفجر

3:26 صباحاً


الشروق

5:02 صباحاً


الظهر

12:01 مساءاً


العصر

3:38 مساءاً


المغرب

6:59 مساءاً


العشاء

8:29 مساءاً


أسعار العملات

مقابل الجنيه المصرى

دولار أمريكى

0

 تابعنا على يوتيوب
 تويتر

أسرة "ميسرة محمود" تندد لإخفاء الأمن له لليوم 120

منذ 88 يوم
عدد القراءات: 1344
أسرة "ميسرة محمود" تندد لإخفاء الأمن له لليوم 120

حمّلت أسرة الشاب "ميسرة محمود فؤاد عبدالمنعم حسانين"، بكالوريوس حاسبات ومعلومات جامعة عين شمس،المسؤولية الكاملة لسلامته إلى مديرية أمن القاهرة ووزارة الداخلية ، نتيجة مواصلة قوات أمن الانقلاب الإخفاء القسري بحق ا وذلك منذ القبض التعسفي عليه يوم 27 ديسمبر 2018، من مسكنه بمنطقة "السيدة زينب" بالقاهرة، واقتياده لجهة مجهولة. 

وقالت "نور محمود" - شقيقة "ميسرة" -: "احنا بقالنا 120 يوم ساكتين مش بنقول حاجة بس جه الوقت اللي نتكلم فيه يمكن تتحل، أخويا ميسرة محمود فؤاد خريج حاسبات عين شمس دفعة السنة اللي فاتت شاب عادي جدا اتاخد من يوم 27 ديسمبر 2018 من بيته من السيدة زينب من الأمن الوطني ومنعرفش عنه حاجة". 

وأوضحت : "ميسرة ملوش في السياسة ولا له أي انتماء سياسي هو أصلا مكنش عنده وقت يفكر في حاجة، ميسرة اتاخد قبل ما يروح يخطب بيوم!!! في وقت مكنش بيعمل حاجة غير إنه يشتغل من 9 الصبح لحد 2 الفجر علشان يكون نفسه ويادوب يلحق في النص يقعدله ساعتين عالقهوة مع صحابه يلعب دورين طاولة علشان يفك عن نفسه". 

وتساءلت "إحنا عاوزين نعرف هو فين ومتاخد ليه؟! وكفاية عمره اللي عمال يضيع عندكو واحنا مش عارفين نطمن عليه.. 4 شهور بنفس هدومه!!! محدش فينا يقدر يتحمل حاجة زي ده وده تعتبر أهون حاجة في اللي ممكن يكون بيتعرض له". 

وذكرت "انهم قاموا بعمل البلاغات والتلغرافات وكل الأوراق القانونية اللي بتثبت انه محتجز عندهم بدون وجه حق ولسة مفيش جديد.. رمضان داخل علينا وقلبنا واجعنا خايفين ميكونش معانا ويقضي صيامه وهو محبوس ومنعزل عن العالم بتهمة محدش يعرفها أصلا ولا هو حتى يعرفها.. مش ده خالص اللي من النوع اللي تخافوا على البلد منه سبوه يعيش ويشوف حياته كفاية وقف الحال اللي حصل وشغله اللي خسره". 

وأردفت "نور": "اليوم اللي بيعدي على أي إنسان بيكون يوم عادي بس اليوم اللي بيعدي على المختفي قسرياً هو وأهله واللي حواليه بيكون بسنة كلها ألم وخوف وتوتر وقلق ووجع وانتظار ويأس وكل الأحاسيس الصعبة اللي ممكن أي حد يتخيلها ولحد اللحظة ده انا مش متخيلة إني بكتب الكلام ده وإنه فعلا مش موجود". 

وطالبت أسرة "ميسرة" بسرعة الإفراج عنه وضرورة الإفصاح عن مكان احتجازه، حيث إنه لم يرتكب أي جرم يحاسب عليه القانون. 


ورصدت منظمة السلام الدولية لحماية حقوق الإنسان، 2255 انتهاكًا ارتكبتها سلطات النظام الانقلابي خلال عام 2018 المنقضي، وشملت تلك الانتهاكات "الإخفاء القسرى، والاعتقال التعسفي، والقتل خارج إطار القانون، والانتهاكات داخل السجون، والأحكام القضائية المسيسة" ، منها  97 حالة اختفاء قسرى خلال عام 2018، بينها 87 للذكور و10 للإناث، كما وثقت 634 حالة اعتقال تعسفي، بينها 611 للذكور و23 للإناث.

البحث

تواصل معنا

يمكنكم إرسال مقترحاتكم وآرائكم بالضغط على الرابط التالى
Responsive image

جميع الحقوق محفوظة 2019

تم تطوير الموقع بواسطة
The Seven Layers