Responsive image

24º

22
أبريل

الإثنين

26º

22
أبريل

الإثنين

 خبر عاجل
  • الخارجية الإيرانية: أجرينا محادثات مكثفة مع جيراننا والاتحاد الأوروبي بشأن عدم تمديد الإعفاءات الأمريكية
     منذ 3 ساعة
  • مئات المستوطنين يقتحمون حائط البراق في ثالث أيام الفصح
     منذ 7 ساعة
  • شاهد عيان لرويترز: انفجار قرب كنيسة تعرضت للهجوم أمس في العاصمة كولومبو .
     منذ 7 ساعة
  • تليفزيون الجزائر.. توقيف رجال الأعمال إسعد ربراب والإخوة كونيناف من قبل الدرك الوطني للاشتباه بتورطهم في قضايا فساد
     منذ 7 ساعة
  • رويترز عن متحدث باسم شرطة سريلانكا: العثور على 87 جهاز تفجير قنابل في موقف الحافلات الرئيسي في كولومبو .
     منذ 7 ساعة
  • رويترز: رئيس سريلانكا يقول إنه سيطلب مساعدة أجنبية لتتبع الروابط الدولية للتفجيرات
     منذ 9 ساعة
 مواقيت الصلاة

القاهرة

الفجر

3:49 صباحاً


الشروق

5:16 صباحاً


الظهر

11:53 صباحاً


العصر

3:29 مساءاً


المغرب

6:30 مساءاً


العشاء

8:00 مساءاً


أسعار العملات

مقابل الجنيه المصرى

دولار أمريكى

0

 تابعنا على يوتيوب
 تويتر

مدونة "يوميات شاب منوفي" : نفسى أصدق إن "العسكري" حمى الثورة علشان ارتاح

منذ 2738 يوم
عدد القراءات: 2979

 كتبت مدونة " يوميات شاب منوفي " عن وضع العسكر الحالي فقالت : مش عارف أبدأ منين انا مخنوق بجد ومش عارف ليه اللى احنا فيه بيحصل.. نعمل ايه اكتر من كده.. ثورة وعملنا ثورة ومفيش فايدة اللى بيقعد على الكرسى بيلزق فيه مجلس عسكرى ...  بمعنى الكلمة وانا مش خايف واللى يحصل يحصل ربنا ابتلانا بيهم ومش عارف هنخلص منهم ازاى .. لا مليونات نافعة ولا اضربات نافعه ولا انتخابات هتنفع اللى بيقول ان الانتخابات هتنهى حكم العسكر بيحلم دول خلاص ذاقوا طعم السلطة وقعدوا على الكرسى وصعب يسبوه إلا بدم كأنه مكتوب علينا نخلص من كلب يطلع لينا 19  هو احنا مش مكتوب لينا انتصار كامل ثورة عرابى تنتهى باحتلال بريطانى ثورة 19 لا تكتمل ثورة 52 او  انقلاب بمعنى اصح يلبسنا فى حكم عسكر 60 سنة حرب اكتوبر السادات سلمنا تسليم لامريكا واسرائيل ونعيش مذلولين وعنينا مكسورة 40 سنة واكتر ثورة يناير شكلها هتلبسنا فى عسكر او كلب من كلابهم زى عمرو موسى ولا نيجى فى الاخر ونلاقى المشير ولا عنان نازل الانتخابات ونخلص .

 نفسى ابقى لطخ والله بجد علشان اريح دماغى واصدق ان المجلس الزفت ده حمى الثورة والله ما اعرف ازى الناس اللى بتهلل للمجلس دى مقتنعة ازاى ,سيبنا من المطبلتية والمنتفعين زى مصطفى بكرى بس المواطن العادى اللى شايف اللى بيحصل كل يوم ولسه مقتنع ان المجلس انحاز للثورة  وبصراحة قرفان من بلال فضل كنت بحبة بس موقفه غريب ومش مفهوم لا اشكك فى وطنيته ولكن مستغرب موقف ودفاعه عن العسكر حتى الان

نفسى ابقى غبى علشان ارتاح من حرقه الدم ليل ونهار واكون مع المطبلتيه بس ربنا مدينى مخ وعين بتشوف وحب لبلدى وخوف على مستقبلها مش مخلينى اعرف ابقى لطخ بابخت كل لطخ مريح دماغه ومقتنع ان المجلس حمى الثورة .

جه علي يوم وقلت اصدق ان الجيش حمى الثورة اسمع المشير بيشهد زور وهو فى اخر ايامه ويقول ان مبارك لم يعطى اوامر بقتل المتظاهرين امال انت حميت  الثورة من ايه  من الشعب مثلا ولا من الثوار يارب تنفضح على رؤوس الاشهاد يوم القيامه انت و سامى عنان , وشفت شباب بيتقتل فى العباسية على ايد الروينى  و حمدى بدين يقود موقعة ماسبيرو ويقتل شباب مصرى بدم بارد تحت عجلات المدرعات وكانهم يهود  واسماعيل عتمان وموقعه السفارة 1و2 وو9 مارس و8ابريل وضرب اهل الشهداء وفض الاعتصامات بالقوة واعتقال المدونيين والنشطاء واستخدام سلاح البلطجية  وكشف على عذرية بنات اشرف من المجلس مليون مره  تعيين وزير اعلام انس الفقى جنبه ملاك يشعل فتنة طائفية فى البلد كانت ستتحول لحرب اهلية لولا ستر الله

نفسى اعرف المجلس دة لايتعظ من مصير مبارك ليه بيكرر كل الغباء الذى كان يرتكبة خطوة بخطوة  لية مصر على عدم تطيهر البلاد ليه مصر على رفض دخول التاريخ من اوسع الابواب ويصر على ان يبقى دلدول لامريكا واسرائيل .

يشهد الله انى مسلم وموحد ولكن متعاطف ومتضامن الشباب المصرى الشريف الذى قتل تحت عجلات المجلس اياً كانت ديانتهم هما شباب خرجوا لمصلحة بلدهم لا يرغبون فى سلطة او جاه او كرسى سيزول وسيتحول لنقمة يوم القيامة على من جلس علي ولم يراعى حقوق البلاد والعباد ولم يتقى الله فى شعبه .

رحت  المستشفى القبطى عقب مجزرة ماسبيرو وشاهدت الجثث مرمية شمال ويمين الدم فى كل حتى شباب مهروس وشباب مضروب النار حاجه تخلى الحجر ينطق ويقول كفايا بقى احنا عملنا ثورة علشان الكل يعيش بحرية مش علشان كل يوم نودع شهداء.

البحث

تواصل معنا

يمكنكم إرسال مقترحاتكم وآرائكم بالضغط على الرابط التالى
Responsive image

جميع الحقوق محفوظة 2019

تم تطوير الموقع بواسطة
The Seven Layers