Responsive image

26º

16
يوليو

الثلاثاء

26º

16
يوليو

الثلاثاء

 خبر عاجل
  • مسؤول أمريكي لوكالة أ ب: لدينا شكوك بأن إيران استولت على ناقلة النفط الإماراتية أثناء عبورها مضيق هرمز
     منذ 2 ساعة
  • وزير الدفاع الأمريكي بالوكالة الدبلوماسية هي الحل الأفضل دائمًا ونسعى إليها مع إيران
     منذ 2 ساعة
  • وزير الدفاع الأمريكي بالوكالة: نسعى إلى لقاء الإيرانيين بدون شروط حتى نعود إلى المسار الدبلوماسي
     منذ 2 ساعة
  • وزير خارجية حكومة الوفاق في ليبيا: 8 دول عربية عارضت عقد اجتماع طارئ في الجامعة العربية لبحث هجوم حفتر على طرابلس
     منذ 2 ساعة
  • جيش الاحتلال يعلن إسقاط طائرة مُسيرة تابعة له شرق قطاع غزة.
     منذ 8 ساعة
  • قوات الأمن تطلق الغازات المسيلة للدموع على طلبة الثانويه العامه المحتجين على حجب نتيجتهم بمدينة بيلا بمحافظة كفر الشيخ
     منذ 20 ساعة
 مواقيت الصلاة

القاهرة

الفجر

3:21 صباحاً


الشروق

4:59 صباحاً


الظهر

12:01 مساءاً


العصر

3:37 مساءاً


المغرب

7:02 مساءاً


العشاء

8:32 مساءاً


أسعار العملات

مقابل الجنيه المصرى

دولار أمريكى

0

 تابعنا على يوتيوب
 تويتر

مدونة "شخابيط" : مصر عروسة ..والعريس قدم حياته رخيصة رداً للجميل

منذ 2823 يوم
عدد القراءات: 2913

 كتب واحد بيحب يشخبط في مدونة "شخابيط" هذه القصيدة تحت عنوان "مصر العروسة"

و اخيرا .. وصل العريس

قال لمصر حياتى فداكى

و دمى قدامك رخيص

و مصر قالتله

دمك الغالى ميتنسيش

و لو هأرد الجميل و مهما عملت ميكفيش

و عجبى

 

الشهر يناير و اليوم خمسه و عشرين

المكان ميدان التحرير .. مفخرة الميادين

قامت ثوره بالملايين

المسئولين قالوا : سيبوهم يتسلوا ، اهو تغيير

و الشعب قال : لا .. احنا جادين

و يا تحققوا مطالبنا

يا اما قاعدين ف الميدان ليوم الدين

و عجبى

 

قالولنا امشوا ... هنضرب ف المليان

قولنا : ميهربش الا الجبان

مش هنغادر المكان

نموت نموت بس يعيش المصرى انسان

و عجبى

 

دوروا الضرب ف اللى واقفين

مطاطى و حى و قنابل و بلطجيه متأجرين

و وسط الدخان لسه صوتنا مسموع

بيقول لمصر :مش ممكن نستكين

و عجبى

 

هربت العساكر و فضل الشعب غريق

نزل الجيش و البلد ف حريق

و لجان شعبيه على طول الطريق

و الناس سهرانه .. احمد و مينا و عم رفيق

بيقولوا :مشيت الشرطه بس احنا موجودين

و عجبى

 

يا مصر ولادك مش عبيد

دا شعب ف الحق عنيد

و ارادته ضد الظلم حديد

و عمر ما تفرقه لا تهديد و لا وعيد

و عجبى

 

النظام رافض يستكين

و بلطجيه بجمال و حمير هجموا على المسالمين

شويه شهدا و شويه مصابين

و الجمال تقول : مليش دعوه باللى راكبنى

انا مع الحق ، انا مع المتظاهرين

الجمال و الحمير نطقت بالحق

و النظام لسه بيقول للظلم امين

و عجبى على دنيا

فيها الحمير بتفهم عن البنى ادمين

و عجبى

 

سألوا الشهيد و قالوا

ليه تموت .. انت ممكن تعيش

رد و قال : الحياه و مصر مذلوله متجيش

و لو دفعت حياتى فداها يبقى بعيش

و عجبى

 

انتخابات مجلس الشعب تهييس

اصوات الناس ملهاش لازمه ، فطيس

زى ما تكون الاصوات زى البطاطس

المرشح يوزن بالكيلو و يعبى ف الكيس

و عجبى

 

عزيزى الرئيس

ارحل و خليك بييس

بس قبل ما ترحل

خرج المحابيس

و غير دستور التعجيز

و انسى ... ايوا انسى التوريث

و عجبى

 

قالوا يوم خمسه و عشرين ثورة التغيير

قولت لا

قالوا ثورة التبديل

قولت لا

دى ثورة قيام مصر الحديثه

و انهاء عصر الخلافه

و دولة التوريث

و عجبى

 

البلد قامت و لبست الفستان

و شباب مصر هما العرسان

و الشهدا شاهدين على عقد القران

و عودة الحريه للاوطان

و عجبى

 

مصر العروسه

و اخيرا و بعد طول انتظار

وصل العريس

و الفرح كان يوم خمسه و عشرين

و ليالى الملاح هتكون على طول السنين

و عجبى

البحث

تواصل معنا

يمكنكم إرسال مقترحاتكم وآرائكم بالضغط على الرابط التالى
Responsive image

جميع الحقوق محفوظة 2019

تم تطوير الموقع بواسطة
The Seven Layers