Responsive image

23
فبراير

السبت

26º

23
فبراير

السبت

 خبر عاجل
  • إحالة أوراق المتهمين بقتل الأنبا أبيفانيوس للمفتي
     منذ 3 ساعة
  • تواصل احتجاجات السترات الصفراء في فرنسا للسبت الـ15
     منذ 3 ساعة
  • إعادة فتح "باب الرحمة" بالمسجد الأقصى أمام المُصلين
     منذ 3 ساعة
  • الاحتلال يعيد إغلاق مصلى باب الرحمة في الأقصى المبارك
     منذ 5 ساعة
  • الجزيرة: الرئيس السوداني يعلن حالة الطوارئ وحل الحكومة الاتحادية وإعفاء جميع ولاة الولايات
     منذ 19 ساعة
  • المقدسيون يتمكنون من فتح باب مصلى الرحمة المغلق منذ 2003 من قبل الاحتلال
     منذ يوم
 مواقيت الصلاة

القاهرة

الفجر

5:02 صباحاً


الشروق

6:24 صباحاً


الظهر

12:08 مساءاً


العصر

3:22 مساءاً


المغرب

5:53 مساءاً


العشاء

7:23 مساءاً


أسعار العملات

مقابل الجنيه المصرى

دولار أمريكى

0

 تابعنا على يوتيوب
 تويتر

حكم البيادة

منذ 1885 يوم
عدد القراءات: 4655
حكم البيادة

بيقولوا : دمى مستباح !
بيقولوا : خالى من جينات حب الوطن
طب أروح لمين؟!
يقدر يحدد نسبة الدم المُجرّم و المباح
محتاج أحلل من جديد
المسألة مفيهاش هزار
الدم سايل للركب
والقتل فى عز النهار
واللى اتقتل
كان فيه حاجات تشبهنى فيه
لا والمصيبة إنه فى رابعة كتير سلم علىّ
يا ترى مان دمه إيه
محتاج أحلل من جديد
فى كل يوم يصرخ مذيع الغبرة فى وشى
الواد ده خاين
الواد ده دمه خالى من جينات حب الوطن
طب أروح لمين يقدر يحدد نسبتى لك ياوطن
عَلَمَك رسمته جو قلبى
وقلت وردى
يبقى اسمك فى التخفِّى والعلن
تنكرنى ليه؟!
تجبرنى ليه ع الانبطاح فى معملك!
الحر راسه فى السما
لحظة سقوطه كالجبل
زى اللى راح فى رابعة والنهضة وفى رمسيس
والتبرئة مشروطة فيك ابقى خسيس
.......................................
أمرك مريب
بيهندسك سمسار غبى
والطب فيك والهندسة أصحابها أرخص م الحمار
عفوا (ياسيدنا الحمار)
مش تريقة ولا حتى تلميح باحتقار
صدقنى دا انت الباشا
بين الأغبية
طب قول مرة
فى العنين جات لك رصاصة؟!
أو حتى صابك أى سوء
لا مؤخذة فى كرداسة ؟!
برطع ياعم ف أى حتة
هو الرئيس دلوقتى إيه
.....................................
ليه ياوطن الخلق شاف
الضيق براح؟!
حكم البيادة حكم مشمول بالمهانة
مع كل حر بيتولد يصنع رصاصة
ويبنى له زنزانة
يبدأ تعالب ..... ينتهى عتريس
و لا انت ماشبعتش من المتاريس
60 سنة مين يشتريك ياورد
علشان كده ........
أنا مش ححلل من جديد
مهما صرخ فيا المذيع
الواد ده خاين
الواد ده دمه خالى من جينات حب الوطن
أنا مش ححلل من جديد


البحث

تواصل معنا

يمكنكم إرسال مقترحاتكم وآرائكم بالضغط على الرابط التالى
Responsive image

جميع الحقوق محفوظة 2019

تم تطوير الموقع بواسطة
The Seven Layers