شفت ف منام , صاحب المقام , راكب فرس
وسط الحشود , ضمة الجنود , ويا الحرس
وف إيده ساعة , يا جماعة , بالجرس
جواها نجمة , وأى خدمة , يا شيخ أنس
وسيفه لحمر , المظفر , بالجثث
مطلى بدماء , الأبرياء , لما انغمس
وسادات يقول , كلام يطول , ومش عبث
ده حلم عاش , سنين بلاش , واليوم حدث
صاحب المقام , من حلمه قام , حلمه انعكس
شاف الحشود , رافضة القيود , رافضة الهوس
يموت شهيد , أعداد تزيد ، تعمل قصص
حتى البنات , سدت خانات , اللى انتكس
صاحب المقام , ترك الزمام , لما انخرس
أدام رجال , زى الجبال , راح واتكنس
